എടപ്പാൾ :മഹാരാഷ്ട്രയിൽ നിന്നുള്ള പുതിയ ഇനം നെൽ വിത്ത് വിളയിച്ച് യുവാവ്. എടപ്പാൾ പഞ്ചായത്തിലെ അയിലക്കാട് പറയംവളപ്പിൽ പി.വി.ഷബീർ ആണ് നസർബാത്ത് എന്ന ഇനം നെൽവിത്ത് വിളയിച്ച് കൃഷിയിൽ പുതുമകൾ തേടുന്നത്.മഹാരാഷ്ട്രയിലെ പരമ്പരാഗത നെൽവിത്ത് ഇനമാണ് നസർബാത്ത്. ഓലയ്ക്ക് ഇരുണ്ട വയലറ്റ് നിറമാണ്. മൂപ്പ് ഏകദേശം 110 – 120 ദിവസമെടുക്കും.ആദ്യ ഘട്ടത്തിൽ 25 സെന്റ് സ്ഥലത്താണ് കൃഷിയിറക്കിയത്. അടുത്ത തവണ കൂടുതൽ സ്ഥലത്ത് കൃഷി ചെയ്യാനുള്ള നീക്കങ്ങൾ ആരംഭിച്ചിട്ടുണ്ട്.

നിലവിൽ 8 ഏക്കർ സ്ഥലത്ത് ഷബീറിന്റെ നേതൃത്വത്തിൽ ഉമ നെൽവിത്ത് കൃഷിയിറക്കിയിട്ടുണ്ട്.അധികം വെള്ളം ഇല്ലാത്ത പാടശേഖരങ്ങളിൽ ആണ് പുതിയ ഇനം നെൽവിത്തായ നസർബാത്ത് കൃഷി ചെയ്യേണ്ടതെന്ന് ഷബീർ പറയുന്നു.ആന്റി ഓക്ഡുകളാൽ സമ്പുഷ്ടമാണ് ഇതിന്റെ അരി. ഹൃദയം നാഡീവ്യൂഹം എന്നിവയുടെ പ്രവർത്തനത്തെ സഹായിക്കുന്നു. രക്ത ചംക്രമണം മെച്ചപ്പെടുത്തുന്നു. കുത്തരിയാണ് ഉപയോഗിക്കേണ്ടത്. അതിനാൽ പ്രമേഹ രോഗികൾക്കും കഴിക്കാം. ഇന്ത്യയിൽ തന്നെ വിലകൂടിയ അരികളിൽപെട്ട ഒരു ഇനമാണ് ഇത്. കിലോയ്ക്ക് 300 രൂപയാണ് വില.

Related Post

Leave a Reply

Your email address will not be published. Required fields are marked *