ഇന്ത്യൻ റെയിൽവേയുടെ തത്കാൽ ടിക്കറ്റ് ബുക്കിങ് നിയമങ്ങളിൽ ഇന്ന് (2026 ഓഗസ്റ്റ് 3) മുതൽ പ്രധാന മാറ്റങ്ങൾ നിലവിൽ വന്നിരിക്കുകയാണ്. ടിക്കറ്റ് കൗണ്ടറുകളിലെ തിരക്ക് കുറയ്ക്കാനും ഓൺലൈൻ ബുക്കിങ് കൂടുതൽ സുതാര്യമാക്കാനും ലക്ഷ്യമിട്ടാണ് ഈ പരിഷ്കാരങ്ങൾ. പുതിയ മാറ്റങ്ങൾ താഴെ പറയുന്നവയാണ്:
1. റെയിൽവേ കൗണ്ടറുകളിൽ ടോക്കൺ സംവിധാനം :ടിക്കറ്റ് കൗണ്ടറുകളിൽ നേരിട്ടെത്തി തത്കാൽ ടിക്കറ്റ് എടുക്കുന്നവർക്കായി ടോക്കൺ സംവിധാനം ഏർപ്പെടുത്തി. ‘ആദ്യം എത്തുന്നവർക്ക് ആദ്യം’ എന്ന ക്രമത്തിലായിരിക്കും ടോക്കൺ വിതരണം ചെയ്യുന്നത്.
- എ.സി ക്ലാസ് (AC Class): ടോക്കണുകൾ രാവിലെ 8:30 നും 9:30 നും ഇടയിൽ നൽകും.
- നോൺ-എ.സി ക്ലാസ് (Non-AC Class): ടോക്കണുകൾ രാവിലെ 9:00 മണി മുതൽ 9:30 വരെ വിതരണം ചെയ്യും.
- മുൻഗണനാ ക്രമം: കൗണ്ടർ ബുക്കിങ്ങിനെ എ (A), ബി (B) എന്നിങ്ങനെ രണ്ട് വിഭാഗങ്ങളായി തിരിച്ചിട്ടുണ്ട്. മുൻഗണനാ വിഭാഗമായ ‘എ’ പൂർത്തിയായതിന് ശേഷം മാത്രമേ ‘ബി’ വിഭാഗത്തെ പരിഗണിക്കുകയുള്ളൂ.
2. ആധാർ ഒതന്റിക്കേഷൻ നിർബന്ധം:ഐആർസിടിസി (IRCTC) വെബ്സൈറ്റ് വഴിയോ മൊബൈൽ ആപ്പ് വഴിയോ ഓൺലൈനായി ടിക്കറ്റ് ബുക്ക് ചെയ്യുന്നതിന് ആധാർ ഒതന്റി ക്കേഷൻ (Aadhaar Authentication) നിർബന്ധമാക്കി. വൺ ടൈം പാസ്വേഡ് (OTP) ഉപയോഗിച്ച് ഈ നടപടികൾ പൂർത്തിയാക്കാം. തത്കാൽ ബുക്കിങ് സമയത്ത് ഉണ്ടാകുന്ന കാലതാമസം ഒഴിവാ ക്കാൻ, ആധാർ ഒതന്റിക്കേഷൻ മുൻകൂട്ടി തന്നെ ചെയ്ത് വെക്കാൻ റെയിൽവേ നിർദേശിക്കുന്നു.
3. ട്രാവൽ ഏജന്റുമാർക്ക് നിയന്ത്രണം:അംഗീകൃത ടിക്കറ്റ് ബുക്കിങ് ഏജന്റുമാർക്ക് തത്കാൽ ബുക്കിങ് ആരംഭിച്ച് ആദ്യത്തെ അര മണിക്കൂർ നേരത്തേക്ക് ടിക്കറ്റ് ബുക്ക് ചെയ്യാൻ സാധിക്കില്ല.
- എ.സി ക്ലാസ്: രാവിലെ 10:00 മണി മുതൽ 10:30 വരെ ഏജന്റുമാർക്ക് ബുക്കിങ് നടത്താൻ കഴിയില്ല.
- നോൺ-എ.സി ക്ലാസ്: രാവിലെ 11:00 മണി മുതൽ 11:30 വരെ ഏജന്റുമാർക്ക് വിലക്കുണ്ടായിരിക്കും.
4. അതിവേഗ വെബ്സൈറ്റ്:തിരക്കേറിയ സമയങ്ങളിൽ വെബ്സൈറ്റ് തകരാറിലാകുന്നത് ഒഴിവാക്കാൻ സെർവർ ശേഷി വർധിപ്പിക്കുകയും പാസഞ്ചർ റിസർവേഷൻ സംവിധാനം പരിഷ്കരിക്കുകയും ചെയ്തിട്ടുണ്ട്. പുതിയ ബീറ്റ സൈറ്റ് നിലവിൽ വന്നതോടെ തത്കാൽ വിൻഡോ തുറന്ന് ആദ്യ മിനിറ്റുകളിൽ തന്നെ ടിക്കറ്റ് ബുക്കിങ് വേഗത്തിൽ പൂർത്തിയാക്കാൻ സാധിക്കുന്നുണ്ട്.