കുറ്റിപ്പുറം : ഭാരതപ്പുഴയിലെ ചെമ്പിക്കൽ ഭാഗത്തെ പുൽക്കാടുകൾക്ക് തീപിടിച്ചു. തിങ്കളാഴ്ച രാവിലെ പത്തോടെയാണ് തീ പടർന്നത്.തിരൂരിൽനിന്നെത്തിയ അഗ്നിരക്ഷാ സംഘം പുഴയിലൂടെ നീന്തിച്ചെന്ന് രണ്ടു മണിക്കൂർ പരിശ്രമിച്ചാണ് തീയണച്ചത്. വേനൽക്കാലത്ത് പുഴയിലെ പുൽക്കാടുകൾക്ക് തീപിടിക്കുന്നത് നിത്യസംഭവമാണ്. തീയിടുന്നതിന് പിന്നിൽ സമൂഹദ്രോഹികളാണെന്ന് ആരോപണമുണ്ടെങ്കിലും ആരെയും പിടികൂടാനായിട്ടില്ല.