എടപ്പാൾ: സർക്കാർ ആശുപത്രികളിലെ മരുന്ന് ക്ഷാമം ഉടൻ പരിഹരിക്കണമെന്നാവശ്യപ്പെട്ട് സിപിഐ എം നേതൃത്വത്തിൽ എടപ്പാൾ, നന്നംമുക്ക്, ആലങ്കോട് മേഖലകളിലെ വിവിധ സർക്കാർ ആരോഗ്യകേന്ദ്രങ്ങളിലേക്ക് പ്രതിഷേധ മാർച്ച് നടത്തി.
എടപ്പാൾ, കോലളമ്പ് ലോക്കൽ കമ്മിറ്റികളുടെ നേതൃത്വത്തിൽ എടപ്പാൾ കമ്യൂണിറ്റി ഹെൽത്ത് സെന്ററിലേക്ക് നടത്തിയ മാർച്ച് സിപിഐ എം ജില്ലാ കമ്മിറ്റിയംഗം പി. ജ്യോതിഭാസ് ഉദ്ഘാടനം ചെയ്തു. പി.പി. മോഹൻദാസ് അധ്യക്ഷനായി. മോഹനൻ ഐലക്കാട്, പി.പി. ബിജോയ്, എൻ.ആർ. അനീഷ്, ലക്ഷ്മി നാരായണൻ എന്നിവർ സംസാരിച്ചു. കെ. പ്രഭാകരൻ സ്വാഗതവും കെ. ദേവികുട്ടി നന്ദിയും പറഞ്ഞു.
നന്നംമുക്ക് ലോക്കൽ കമ്മിറ്റിയുടെ നേതൃത്വത്തിൽ നന്നംമുക്ക് കുടുംബാരോഗ്യ കേന്ദ്രത്തിലേക്കും പ്രതിഷേധ മാർച്ച് നടത്തി. സിപിഐ എം എടപ്പാൾ ഏരിയാ സെക്രട്ടറി ടി. സത്യൻ ഉദ്ഘാടനം ചെയ്തു.
ആലങ്കോട് കുടുംബാരോഗ്യ കേന്ദ്രത്തിലേക്ക് നടന്ന മാർച്ച് സിപിഐ എം എടപ്പാൾ ഏരിയാ കമ്മിറ്റിയംഗം പി. വിജയൻ ഉദ്ഘാടനം ചെയ്തു. എൻ.വി. ഉണ്ണി അധ്യക്ഷനായി. ആരിഫ നാസർ, സുബ്രഹ്മണ്യൻ, പ്രബീഷ്, സി.എം. രാമചന്ദ്രൻ എന്നിവർ സംസാരിച്ചു.
സർക്കാർ ആശുപത്രികളിലെ മരുന്ന് ലഭ്യത സംബന്ധിച്ച പ്രശ്നങ്ങൾ സംസ്ഥാനത്ത് അടുത്തിടെ റിപ്പോർട്ട് ചെയ്യപ്പെട്ടിട്ടുണ്ടെന്നും വിവിധ ആശുപത്രികളിൽ അവശ്യ മരുന്നുകളുടെ ലഭ്യതക്കുറവ് സംബന്ധിച്ച് വാർത്തകൾ പുറത്തുവന്നിട്ടുണ്ടെന്നും റിപ്പോർട്ടുകളുണ്ട്.