By Myponnani
പൊന്നാനി: പത്താം ക്ലാസ് കഴിഞ്ഞവർക്കും പ്ലസ് ടു കഴിഞ്ഞവർക്കും ഏതെല്ലാം കോഴ്സുകൾ തിരഞ്ഞെടുക്കാം എന്നും കോഴ്സ് തിരഞ്ഞെടുക്കുമ്പോൾ ശ്രദ്ധിക്കേണ്ട കാര്യങ്ങൾ എന്തെല്ലാമാണെന്നും വിശദീകരിച്ച് കരിയർ ഗൈഡൻസ് പ്രോഗ്രാം പൊന്നാനി എംഐ ബോയ്സ് ഹയർ സെക്കൻഡറി സ്കൂളിൽ വച്ച് നടന്നു. പത്താം ക്ലാസ് കഴിഞ്ഞവർക്കും, പ്ലസ് ടു കഴിഞ്ഞവർക്കും വെവ്വേറെ ആയാണ് കരിയർ ഗൈഡൻസ് ക്ലാസുകൾ നടന്നത്.
ക്ലാസുകൾക്ക് ജൂനിയർ ചേമ്പർ ഇൻറർനാഷണൽ സോൺ ട്രെയിനർ റഊഫ് പുത്തലൻ, സെൻറർ ഫോർ ഇൻഫർമേഷൻ ഗൈഡൻസ് ഇന്ത്യ സീനിയർ കരിയർ കൗൺസിലർമാരായ ലുക്മാൻ കെപി, മുഹമ്മദ് റാഫി എന്നിവർ നേതൃത്വം നൽകി.
സിജി പ്രസിഡൻറ് കമാലുദ്ദീൻ മാസ്റ്റർ അധ്യക്ഷത വഹിച്ച ചടങ്ങിൽ എം ഐ ഹയർ സെക്കൻഡറി സ്കൂൾ പ്രിൻസിപ്പൾ നബീൽ മാസ്റ്റർ ഉദ്ഘാടനം നിർവഹിച്ചു. പ്രമുഖ ട്രെയിനറും ജെസിഐ പൊന്നാനി ചാപ്റ്റർ മദർ ലോ മുൻ പ്രസിഡന്റുമായ സുഭാഷ് നായർ മുഖ്യാതിഥിയായിരുന്നു.
200 ലധികം രക്ഷിതാക്കളും വിദ്യാർത്ഥികളും പങ്കെടുത്ത കരിയർ ഗൈഡൻസ് ക്ലാസിനോടനുബന്ധിച്ച് ബ്ലഡ് ഗ്രൂപ്പ് ചെക്ക് ചെയ്യുന്നതിനും, ഓപ്പറേഷൻ തിയേറ്ററിൽ അകത്ത് ഉള്ള യന്ത്രസാമഗ്രികളുടെ സ്റ്റിൽ മോഡൽ, വർക്കിംഗ് മോഡൽ എക്സിബിഷനും നടന്നു.
കൂടാതെ കരിയർ ക്ലിനിക്ക്, ഡിഫറെൻഷ്യൽ ആപ്റ്റിറ്റുഡ് ടെസ്റ് എന്നിവയുമായി ബന്ധപ്പെട്ട പാനൽ ചർച്ചയിൽ സിജി സീനിയർ റിസോഴ്സ് പേഴ്സൺ അബ്ദുല്ലത്തീഫ് കളക്കര, സിജി പൊന്നാനി ചാപ്റ്റർ സെക്രട്ടറി ഇബ്രാഹിം മാസ്റ്റർ, സിജി പൊന്നാനി ചാപ്റ്റർ പ്രസിഡൻറ് കമാലുദ്ദീൻ, ജെസിഐ പൊന്നാനി പ്രസിഡൻറ് ഖലീൽ റഹ്മാൻ, ജെസിഐ ഇന്ത്യ സോൺ ട്രെയിനർ സുഭാഷ് നായർ എന്നിവർ നേതൃത്വം നൽകി.
ഡി.ആർ.എസ് നോളജ് സിറ്റി, ലവസ്റ്റോ എജുക്കേഷണൽ കൺസൾട്ടൻസി, അലയൻസ് ഇൻഫോ കോം, അബ്സല്യൂട്ട് വേ എജുക്കേഷണൽ കൺസൾട്ടൻസി, ഹെഡ്വിക്ക് അക്കാദമി, എജുവേ എജുക്കേഷണൽ സൊല്യൂഷൻസ് എന്നിവരുടെ സഹകരണത്തോടുകൂടി ജൂനിയർ ചേമ്പർ ഇൻറർനാഷണൽ പൊന്നാനി ചാപ്റ്റർ, സെൻറർ ഫോർ ഇൻഫർമേഷൻ & ഗൈഡൻസ് ഇന്ത്യ പൊന്നാനി ചാപ്ടർ എന്നിവ സംയുക്തമായാണ് കരിയർ ഗേഡൻസ് പ്രോഗ്രാം നടത്തിയത്.
പ്രോഗ്രാം ഡയറക്ടർ റൗമാസ് സ്വാഗതം ആശംസിച്ച ചടങ്ങിൽ സെക്രട്ടറി മുഹമ്മദ് ഫാസിൽ നന്ദി പ്രകാശിപ്പിച്ചു. അബ്ദുൽ ഖാദർ, മുസ്തഫ, അമീൻ, മുഹമ്മദ് ഫൈസൽ, ശ്രുതി, സഹൽ, മുഹമ്മദ് സാലിഹ്, കെ മുഹമ്മദ്, എന്നിവർ നേതൃത്വം നൽകി.
എൻ്റെ പൊന്നാനി | My Ponnani