മനോഹരമാകും ഇനി നടുവട്ടവും

ആദ്യകാലത്തെ ചെറിയ ഒരു ടൗണായിരുന്നു ഇത്. പിന്നീട് പൂക്കരത്തറയിൽ സ്വകാര്യമേഖലയിൽ വലിയ മെഡിക്കൽ കോളേജ് വന്നതോടെ ഈ ടൗണിനും പ്രതീക്ഷകൾ വളർന്നു. അതോടെ വ്യാപാരമേഖലയിലും വലിയ ഉണർവുണ്ടായി. നിരവധി സ്ഥാപനങ്ങൾ ഇവിടെ വന്നു. എന്നാൽ ഇതിനനുസരിച്ചുള്ള അടിസ്ഥാന സൗകര്യങ്ങളുണ്ടായില്ല. കൂനംമൂച്ചി റോഡിലേക്ക് വാഹനങ്ങൾ തിരിയുന്നിടത്തും കരിങ്കല്ലത്താണി റോഡിലേക്ക് വാഹനങ്ങൾ തിരിയുന്നിടത്തും പലപ്പോഴും വലിയ ഗതാഗതക്കുരുക്കളുമുണ്ടായി.

യാത്രക്കാർ വർധിച്ചതോടെ അവർക്ക് സുരക്ഷിതമായി നടക്കാനുള്ള നടപ്പാതയുടെ അഭാവവുമുണ്ട്. വർഷക്കാലത്ത് മഴവെള്ളം ഇത്തരം പ്രശ്നങ്ങളെല്ലാം മനസ്സിലാക്കിയാണ് ഗ്രാമപ്പഞ്ചായത്ത് പൊതുമരാമത്ത് വകുപ്പുമായി ചേർന്ന് പുതിയ പദ്ധതിക്ക് രൂപം നൽകിയത്. പത്തുലക്ഷം രൂപ പൊതുമരാമത്ത് വകുപ്പിന് പഞ്ചായത്ത് നൽകി പണിയാരംഭിച്ചുകഴിഞ്ഞു. ശേഷിക്കുന്ന തുക പണി പുരോഗമിക്കുന്നതിനനുസരിച്ച് നൽകും.