കെപിഎസ്ടിഎ പ്രതിഷേധ സായാഹ്നം

തിരൂർ : മെഡിസെപ്പ് പദ്ധതിയിൽ പ്രീമിയം വർധിപ്പിക്കുകയും ചികിത്സാസൗകര്യങ്ങളുള്ള ആശുപത്രികൾ പാനലിൽ ഉൾപ്പെടുത്താതിരിക്കുകയും ചെയ്യുന്ന സംസ്ഥാന സർക്കാരിന്റെ വഞ്ചനാപരമായ നിലപാടിൽ പ്രതിഷേധിച്ച് കെപിഎസ്ടിഎ തിരൂർ വിദ്യാഭ്യാസ ജില്ലാ കമ്മിറ്റി യുടെ നേതൃത്വത്തിൽ ഡിഇഒ ഓഫീസിനു മുൻപിൽ പ്രതിഷേധ സായാഹ്നം നടത്തി. പദ്ധതിയിൽ സർക്കാർ വിഹിതം ഉൾപ്പെടുത്തുക, എല്ലാ ആശുപത്രികളിലും എല്ലാ വിഭാഗങ്ങൾക്കും ചികിത്സാ ആനുകൂല്യം ലഭ്യമാക്കുക, ഒരു കുടുംബത്തിന് ഒരു പ്രീമിയം എന്ന രീതിയിൽ നിജപ്പെടുത്തുക എന്നീ ആവശ്യങ്ങളും ഉന്നയിച്ചു.സംസ്ഥാന നിർവാഹകസമിതി അംഗം സി.പി. മോഹനൻ ഉദ്ഘാടനം ചെയ്തു. വിദ്യാഭ്യാസ ജില്ലാ പ്രസിഡന്റ് ടി.വി. നൂറുൽ അമീൻ അധ്യക്ഷനായി. സംസ്ഥാന നിർവാഹകസമിതി അംഗം ടി.കെ. സതീശൻ മുഖ്യപ്രഭാഷണം നടത്തി. സംസ്ഥാന നിർവാഹകസമിതി അംഗങ്ങളായ വി.കെ. ഷഫീഖ്, പി. ബിജു, സംസ്ഥാന കമ്മിറ്റി അംഗങ്ങളായ പി.എ. ഷുക്കൂർ, പി. ഹസീന ബാൻ, കെ.വി. പ്രഷീദ്, എം.എൽ. ദീപ, കെ.പി. നസീബ്, എബ്രഹാം റോബിൻ എന്നിവർ പ്രസംഗിച്ചു.