എടപ്പാൾ : പട്ടാമ്പി റോഡിലെ മാളിന് മുന്നിൽ എല്ലാ ദിവസവും കാണുന്ന ഗതാഗതക്കുരുക്കിന് ഉടൻ പരിഹാരം കാണണമെന്ന് ഓട്ടോ-ടാക്സി & ലൈറ്റ് മോട്ടോർ വർക്കേഴ്സ് യൂണിയൻ (സി.ഐ.ടി.യു) എടപ്പാൾ ഏരിയ സംഘടന കൺവൻഷൻ ആവശ്യപ്പെട്ടു.സംസ്ഥാന കമ്മറ്റി അംഗം അഡ്വ: എം.ബി.ഫൈസൽ ഉദ്ഘാടനം ചെയ്തു. ഏരിയ പ്രസിഡണ്ട് പി.പി.ബിജോയ് അദ്ധ്യക്ഷനായി. ഏരിയ സെക്രട്ടറി എം.എ.നവാബ് പ്രവർത്തന റിപ്പോർട്ടും ജില്ല വൈസ് പ്രസിഡണ്ട് സി.കെ.റസാക്ക് സംഘടനാ റിപ്പോർട്ടും അവതരിപ്പിച്ചു. പി.ടി.രാജൻ, എം.മുഹമ്മദാലി എന്നിവർ പ്രസംഗിച്ചു.ഭാരവാഹികളായി പി.പി.ബിജോയ്പ്രസിഡണ്ട്. എം.എ.നവാബ് സെക്രട്ടറി.എം.മുഹമ്മദാലി ട്രഷറർ എന്നിവരെ തെരഞ്ഞെടുത്തു.