പൊന്നാനി : നഗരസഭയിലേക്കു മത്സരിച്ച ദമ്പതിമാർക്ക് വിജയം.വാർഡ് 27-ൽ എൽഡിഎഫ് സ്ഥാനാർഥിയായി മത്സരിച്ച ഭർത്താവ് എം.വി. പ്രകാശനും 28-ലെ എൽഡിഎഫ് സ്ഥാനാർഥി യായി മത്സരിച്ച ഭാര്യ റീനയുമാണ് നഗരസഭാ ഭരണസമിതിയിലേക്ക് ജയിച്ചുകയറിയത്. ബിജെപിയുടെ സീറ്റാണ് റീന പിടിച്ചെടുത്തത്. നാലാംതവണയാണ് റീന നഗരസഭയിലേക്കു തിരഞ്ഞെടുക്കപ്പെടുന്നത്. സ്ഥിരംസമിതി അധ്യക്ഷകൂടിയായിരുന്ന റീന 26 വോട്ടിനാണ് വിജയിച്ചത്.കന്നി മത്സരത്തിനിറങ്ങിയ പ്രകാശൻ 42 വോട്ടിനാണ് യുഡിഎഫ് സ്ഥാനാർഥിയെ പരാജയപ്പെടുത്തിയത്.