By Myponnani
പുന്നയൂര്‍ക്കുളം: അകലാട് മൂന്നയിനിയില്‍ നിര്‍ത്തിയിട്ടിരുന്ന ലോറിക്ക് പിന്നില്‍ സ്‌കൂട്ടര്‍ ഇടിച്ച് ഹോട്ടല്‍ തൊഴിലാളി മരിച്ചു. അകലാട് അഞ്ചാംകല്ല് പെരുമ്പുള്ളി മുസ്തഫ എന്ന മുത്തു(49)ആണ് മരിച്ചത്. വ്യാഴാഴ്ച രാവിലെ ആറുമണിയോടെയാണ് സംഭവം.
അകലാട് താഹപള്ളി റോഡ് പരിസരത്ത് ദേശീയപാത 66-ല്‍ നിര്‍ത്തിയിട്ടിരുന്ന ലോറിക്ക് പിന്നിലാണ് സ്‌കൂട്ടര്‍ ഇടിച്ചത്. പൊന്നാനി ഭാഗത്തേക്ക് പോകുകയായിരുന്നു ലോറി റോഡരികില്‍ നിര്‍ത്തി, ഡ്രൈവറും സഹായിയും പുറത്തിറങ്ങി. ഈ സമയത്ത് അകലാട് നിന്ന് ജോലിസ്ഥലമായ മന്നലാംകുന്നിലേക്ക് പോകുകയായിരുന്ന മുസ്തഫ സഞ്ചരിച്ച സ്‌കൂട്ടര്‍ ലോറിക്കു പിന്നില്‍ ഇടിക്കുകയായിരുന്നു.
വിന്നേഴ്‌സ് ആംബുലന്‍സ് പ്രവര്‍ത്തകര്‍ ചാവക്കാട് ഹയാത് ആശുപത്രിയില്‍ എത്തിച്ചെങ്കിലും മരണം സംഭവിച്ചു. ഫൗസിയ ആണ് ഭാര്യ. മുബഷിറ, തബ്ഷീറ, ഫിദ എന്നിവര്‍ മക്കളാണ്.
എൻ്റെ പൊന്നാനി | My Ponnani