എടപ്പാൾ ചന്തക്കുന്ന് പ്രദേശത്ത് കാട്ടുപന്നി കൃഷി നശിപ്പിച്ചു

എടപ്പാൾ : ചന്തക്കുന്ന് പ്രദേശത്ത് കാട്ടുപന്നി കൃഷി നശിപ്പിച്ചു. വ്യാപാരി വ്യവസായി ഏകോപന സമിതി തവനൂർ മണ്ഡലം പ്രസിഡണ്ട് ഫിറ്റ് വെൽ ഹസ്സന്റെ തോട്ടത്തിലാണ് കൂടുതൽ നാശനഷ്ടം. വാഴകൾ ,തെങ്ങുകൾ, ഇടിച്ചക്ക ,വാഴക്കുലകൾ തുടങ്ങിയവയാണ് നശിപ്പിക്കപ്പെട്ടിരിക്കുന്നത്. ഈ പ്രദേശത്ത് തന്നെ വേറെയും തോട്ടങ്ങളിൽ പന്നി നാശനഷ്ടം വരുത്തിയിട്ടുണ്ട്.കഴിഞ്ഞദിവസം കാലടി ഗ്രാമപഞ്ചായത്തിന്റെ നേതൃത്വത്തിൽ പന്നി വേട്ട നടത്തിയിരുന്നു. എന്നാൽ അണ്ണക്കമ്പാട് പ്രദേശത്തെ കാട്ടിൽ ഉണ്ടായിരുന്ന പന്നിക്കൂട്ടങ്ങൾ കൂട്ടത്തോടെ അവിടെ നിന്നും ഓടി രക്ഷപ്പെടുകയായിരുന്നു.