By എൻ്റെ പൊന്നാനി | My Ponnani
ചങ്ങരംകുളം : പൊന്നാനി താലൂക്കിലെ ജോസ് കെ. മാണി വിഭാഗം പ്രവർത്തകർ കേരള കോൺഗ്രസിലേക്ക്‌ മാറി. പാർട്ടിയിലെ ജോസ് കെ. മാണിയുടെ ഏകാധിപത്യം സർവ്വസീമയും ലംഘിക്കുന്നെന്ന് ആക്ഷേപിച്ചാണ് പ്രവർത്തകർ പി.ജെ. ജോസഫ് നേതൃത്വം നൽകുന്ന കേരള കോൺഗ്രസ് പാർട്ടിയിലേക്ക് മാറിയത്.
ഇതോടെ കേരള കോൺഗ്രസ് മാണി വിഭാഗം പൊന്നാനി നിയോജകമണ്ഡലം കമ്മിറ്റി ഇല്ലാതായി. സംസ്ഥാന സർക്കാർ നടത്തിവരുന്ന ജനവിരുദ്ധ നയങ്ങളോടുള്ള ജോസ് കെ. മാണിയുടെ മൗനാനുമതി സാധാരണ പ്രവർത്തകരിൽ അവമതിപ്പുള്ളവാക്കുന്നതാണെന്ന് കേരള കോൺഗ്രസ് ഡെപ്യൂട്ടി ചെയർമാൻ അഡ്വ. തോമസ് ഉണ്ണിയാടൻ പറഞ്ഞു.
പ്രവർത്തകർക്കുള്ള സ്വീകരണയോഗം വളയംകുളത്ത് ഉദ്ഘാടനം ചെയ്യുകയായിരുന്നു അദ്ദേഹം. കേരള കോൺഗ്രസ് (എം) നിയോജകമണ്ഡലം പ്രസിഡൻറ് സക്കീർ ഒതളൂരിന്റെ നേതൃത്വത്തിലാണ് പ്രവർത്തകർ മാറിയത്. മലപ്പുറം ജില്ലാ പ്രസിഡൻറ് മാത്യു വർഗീസ് അധ്യക്ഷനായി.
കേരള കോൺഗ്രസ് പൊന്നാനി നിയോജകമണ്ഡലം ഭാരവാഹികളായി ജബ്ബാർ കിഴിക്കര (പ്രസി.), കെ.വി. ജലീൽ, കെ.കെ. ചന്ദ്രൻ (വൈസ് പ്രസി.), ഉബൈദ് മാറഞ്ചേരി (സെക്ര.), അലി, ബഷീർ, പി. ഷിജില (ജോ.സെക്ര.), എം.കെ. കരിം (ട്രഷ.) എന്നിവരെ തിരഞ്ഞെടുത്തു. കേരള കോൺഗ്രസ് പാർട്ടി മലപ്പുറം ജില്ലാ ജനറൽ സെക്രട്ടറിയായി സക്കീർ ഒതളൂരിനെ ജില്ലാ പ്രസിഡൻറ് മാത്യു വർഗീസ് നോമിനേറ്റ് ചെയ്തു.