By എൻ്റെ പൊന്നാനി | My Ponnani
താനൂർ ∙ ഓലപ്പീടിക തിരിവിൽ ടാങ്കർ ലോറിയും കാറും കൂട്ടിയിടിച്ച് 3 പേർക്ക് പരുക്ക്. കഴിഞ്ഞ ദിവസം രാത്രി 11.45നാണ് അപകടം. പരപ്പനങ്ങാടിയിൽ നിന്ന് തിരൂർ ഭാഗത്തേക്ക് വരികയായിരുന്ന ടാങ്കർ ലോറിയാണ് എതിർദിശയിൽ പോവുകയായിരുന്ന കാറിൽ ഇടിച്ചത്. ഇതിൽ സഞ്ചരിച്ച 3 പേർക്കാണ് പരുക്ക്. ഇവരെ സമീപങ്ങളിലെ സ്വകാര്യ ആശുപത്രികളിൽ പ്രവേശിപ്പിച്ചു.
ഏറെ നേരം താനൂർ പരപ്പനങ്ങാടി മുഖ്യപാതയിൽ ഗതാഗതതടസ്സം നേരിട്ടു. രാവിലെയാണ് ടാങ്കർ ലോറി മാറ്റിയത്. പരപ്പനങ്ങാടി, താനൂർ പൊലീസും ടിഡിആർഎഫ് അംഗങ്ങളും നാട്ടുകാരും ചേർന്ന് രക്ഷാപ്രവർത്തനം നടത്തി.