വാൽപാറയിലേക്കുള്ള യാത്രയിൽ വാഹനാപകടത്തിൽ ചങ്ങരംകുളം കോക്കൂർ സ്വദേശിയായ യുവാവ് മരിച്ചു

ചങ്ങരംകുളം: കോക്കൂർ സ്വദേശിയായ യുവാവ് തൃശ്ശൂരിൽ ബൈക്ക് അപകടത്തിൽ മരിച്ചു.കോക്കൂർ ക്ഷേത്രത്തിന് സമീപത്ത് താമസിക്കുന്ന കൈതവളപ്പിൽ അസീസ് എന്നവരുടെ മകൻ ബിലാൽ(21) ആണ് മരിച്ചത്. ഞായറാഴ്ച പുലർച്ചെയാണ് ബിലാൽ സുഹൃത്തുക്കൾക്കൊപ്പം വാൽപാറയിലേക്ക് പുറപ്പെട്ടത്. പുലർച്ചെ 5 മണിയോടെ തൃശ്ശൂർ മെഡിക്കൽ കോളേജ് റോഡിൽ വച്ച് ബിലാൽ സഞ്ചരിച്ച ബൈക്ക് ലോറിയിലിടിച്ചാണ് അപകടം .ഗുരുതരമായി പരിക്കേറ്റ ബിലാലിനെ തൃശ്ശൂർ മെഡിക്കൽ കോളേജ് ആശുപത്രിയിൽ എത്തിച്ചെങ്കിലും വൈകിയിട്ട് മൂന്നരയോടെ മരണം സംഭവിക്കുകയായിരുന്നു.മരി ച്ച ബിലാൽ ചങ്ങരംകുളത്ത് കിരൺ സ്റ്റുഡിയോയിൽ ജീവനക്കാരനാണ്.മോർച്ചറിയി ൽ സൂക്ഷിച്ച മൃതദേഹം തിങ്കളാഴ്ച നടപടിക്രമങ്ങൾ പൂർത്തിയാക്കി ബന്ധുക്കൾക്ക് വിട്ടുകൊടുക്കും.