പിഎംശ്രീയിൽനിന്ന് സർക്കാർ പിന്തിരിയണം -വിസ്ഡം യൂത്ത്

തിരൂർ : കേന്ദ്രാവിഷ്‌കൃത വിദ്യാഭ്യാസപദ്ധതിയായ പിഎംശ്രീയിൽ പങ്കാളിയാകാനുള്ള തീരുമാനത്തിൽനിന്ന് സംസ്ഥാന സർക്കാർ പിന്തിരിയണമെന്ന് വിസ്ഡം ഇസ്ലാമിക് യൂത്ത് ഓർഗനൈസേഷൻ തിരൂർ മണ്ഡലം കമ്മിറ്റി സംഘടിപ്പിച്ച ടേബിൾ ടോക് അഭിപ്രായപ്പെട്ടു. സംസ്ഥാനസമിതി ഞായറാഴ്‌ച പട്ടാമ്പിയിൽ സംഘടിപ്പിക്കുന്ന കേരള ടീച്ചേഴ്സ് കോൺഫറൻ സിന്റെ പ്രചാരണത്തിന്റെ ഭാഗമായാണ് ടേബിൾ ടോക് സംഘടിപ്പിച്ചത്.പിഎംശ്രീ പദ്ധതിയി ലൂടെ ഒളിച്ചുകടത്താൻ ശ്രമിക്കുന്ന ഫാസിസ്റ്റ് അജൻഡകളെക്കുറിച്ചും കേരളത്തിലെ സ്‌കൂളുകളിൽ നടപ്പാക്കുമ്പോഴുണ്ടാകുന്ന ഭവിഷ്യത്തുകളെക്കുറിച്ചും പഠിക്കാൻ സർക്കാർ തയ്യാറാകണം. ലഹരി ഉപയോഗം, സമൂഹമാധ്യമങ്ങളിലെ റീലുകൾ, സെൻസർ ചെയ്യാത്ത സിനിമകൾ, ഗെയിം അഡിക്‌ഷൻ തുടങ്ങിയവ കുട്ടികളിൽ അക്രമവാസന വളർത്തുന്നതിൽ മുഖ്യ പങ്കുവഹിക്കുന്നുണ്ടെന്നും ടേബിൾ ടോക് അഭിപ്രായപ്പെട്ടു.