തവനൂരില്‍ നടന്ന എല്‍ഡിഎഫ് കണ്‍വെന്‍ഷന്‍ എ വിജയരാഘവന്‍ ഉദ്ഘാടനം ചെയ്തു.

എടപ്പാള്‍:തവനൂരില്‍ എല്‍ഡിഎഫ് കന്‍വെന്‍ഷന്‍ നടത്തി.സി പി ഐ എം പോളിറ്റ് ബ്യൂറോ മെമ്പർ എ വിജയരാഘവൻ കൺവെൻഷൻ ഉദ്ഘാടനം ചെയ്തു.സി പി ഐ ജില്ലാ കമ്മറ്റി അംഗം കെ എൻ ഉദയൻ അധ്യക്ഷത വഹിച്ചു.വാദ്യകലയുടെ കുലപതി പത്മശ്രീ മട്ടന്നൂർ ശങ്കരൻ കുട്ടി മാരാരും സംഘവും ചെണ്ടയിൽ കൊട്ടികയറിയപ്പോൾ തവനൂർ വിജയാവേശത്തിന്റെ കൊടുമുടി കയറി. സി പി ഐ എം ജില്ലാ സെക്രട്ടറി വി പി അനിൽ, സി പി ഐ എം സംസ്ഥാന കമ്മറ്റി അംഗം വി പി സാനു, സി പി ഐ എം ജില്ലാ കമ്മറ്റി അംഗങ്ങളായ കൂട്ടായി ബഷീർ, ജ്യോതിഭാസ്, ഇന്ത്യൻ സോഷ്യലിസ്റ്റ് ജനതാദൾ സംസ്ഥാന വൈസ് പ്രസിഡന്റ്‌ ആർ മുഹമ്മദ്‌ ഷാ, സി പി ഐ എം തവനൂർ ഏരിയ സെക്രട്ടറി കെ പി സുധാകരൻ തുടങ്ങി പ്രമുഖർ സംബന്ധിച്ചു.രാവിലെ 9 മണിക്ക് നരിപ്പറമ്പിൽ തിരഞ്ഞെടുപ്പ് കമ്മറ്റി ഓഫീസ് മുതിർന്ന സി പി ഐ എം നേതാവ് പാലോളി മുഹമ്മദ്‌ കുട്ടി ഉദ്ഘാടനം ചെയ്തു. സി പി ഐ എം സംസ്ഥാന കമ്മറ്റി അംഗം വി പി സാനു, ജില്ലാ കമ്മറ്റി അംഗങ്ങളായ കൂട്ടായി ബഷീർ, ജ്യോതിഭാസ്, കെ പി ശങ്കരൻ മാസ്റ്റർ, ഇ അഫ്സൽ, സി പി ഐ ജില്ലാ കമ്മറ്റി അംഗം കെ എൻ ഉദയൻ, സി പി ഐ എം തവനൂർ ഏരിയ സെക്രട്ടറി കെ പി സുധാകരൻ, ഐ എസ് ജെ ഡി സംസ്ഥാന വൈസ് പ്രസിഡന്റ്‌ ആർ മുഹമ്മദ്‌ ഷാ, സി പി എം ഏരിയ സെന്റർ അംഗങ്ങളായ രാമകൃഷ്ണൻ, അഡ്വ എം ബി ഫൈസൽ,ഐ എസ് ജെ ഡി ജില്ലാ സെക്രട്ടറി ബാബു മംഗലം,രാജഗോപാൽ തുടങ്ങി പ്രമുഖർ പങ്കെടുത്തു.9.30 മുതൽ 1 മണി വരെ തൃപ്രങ്ങോട് പഞ്ചത്തിലെ വിവിധ കേന്ദ്രങ്ങളിൽ കാരണവൻമാർ,പൗരപ്രമുഖർ,രോഗികൾ എന്നിവരെ സന്ദർശിച്ചു.വൈകുന്നേരം ചമ്രവട്ടം പ്രദേശത്ത് വോട്ടർമാരെ നേരിൽ കണ്ട് വോട്ട് അഭ്യർത്ഥിച്ചു