By എൻ്റെ പൊന്നാനി | My Ponnani
വെളിയങ്കോട്:കാലിഫോർണിയ സ്റ്റേറ്റ് യൂണിവേഴ്സിറ്റിയിലെ കോളേജ് ഓഫ് ലിബറൽ ആർട്സ് സംഘടിപ്പിച്ച 60-ാമത് വാർഷിക താരതമ്യ സാഹിത്യ കോൺഫറൻസിൽ (Annual Comparative Literature Conference) പ്രബന്ധം അവതരിപ്പിച്ച് ഡോ. മുഹമ്മദ് ഷഫീർ കെ.പി ശ്രദ്ധേയനായി. 2026 ഏപ്രിൽ 25-നായിരുന്നു ആഗോളതലത്തിൽ ശ്രദ്ധിക്കപ്പെട്ട ഈ അക്കാദമിക് സംഗമം നടന്നത്.
വെളിയങ്കോട് എംടിഎം കോളേജ് ഓഫ് ആർട്സ്, സയൻസ് ആൻഡ് കൊമേഴ്സിലെ ഇംഗ്ലീഷ് വിഭാഗം അസോസിയേറ്റ് പ്രൊഫസറാണ് ഡോ. ഷഫീർ. അന്താരാഷ്ട്ര വേദികളിൽ മലയാളം കലാലയങ്ങളുടെ സാന്നിധ്യം അറിയിക്കുന്നതായിരുന്നു അദ്ദേഹത്തിന്റെ പങ്കാളിത്തം.
വിദ്യാഭ്യാസ മേഖലയിലെ മികവിനുള്ള അംഗീകാരമായാണ് ഈ നേട്ടത്തെ കോളേജ് അധികൃതരും സഹപ്രവർത്തകരും കാണുന്നത്. ആധുനിക സാഹിത്യ ഗവേഷണ രംഗത്തെ പുതിയ പ്രവണതകളെക്കുറിച്ചുള്ള ചർച്ചകൾ നടന്ന കോൺഫറൻസിൽ ഡോ. ഷഫീർ അവതരിപ്പിച്ച വിഷയം അക്കാദമിക് പണ്ഡിതന്മാരുടെ പ്രശംസ പിടിച്ചുപറ്റി