സംസ്ഥാനത്ത് ജൂണ് ഒമ്പത് മുതല് ട്രോളിങ് നിരോധനം. ജൂലൈ 31 വരെയാണ് നിരോധനം നിലനില്ക്കുക. ഫിഷറീസ് മന്ത്രി അബ്ദുള് ഗഫൂര് വിളിച്ചു ചേര്ത്ത യോഗത്തിലാണ് തീരുമാനം. തിരുവനന്തപുരം, കൊല്ലം, ആലപ്പുഴ, എറണാകുളം, കോഴിക്കോട് ജില്ലാ കളക്ടർമാരും ഫിഷറീസ് വകുപ്പ് ഉദ്യോഗസ്ഥരും മത്സ്യത്തൊഴിലാളി സംഘടനാ നേതാക്കളും ബോട്ടുടമ സംഘടനകളുടെ പ്രതിനിധികളും പങ്കെടുത്തു.
മത്സ്യങ്ങളുടെ പ്രജനനസമയത്താണ് ഈ നിരോധനം ഏര്പ്പെടുത്തുന്നത്. ഈ കാലത്ത് മുട്ടയിടാറായ മത്സ്യങ്ങള് തീരങ്ങളില് കൂടുതലായി കാണപ്പെടാറുണ്ട്. ഈ സമയത്ത് വന്തോതില് മത്സ്യബന്ധനം നടത്തിയാല് മുട്ടയിടാറായ മത്സ്യങ്ങള് കൂടുതലായി വലയില് കുടുങ്ങുകയും അടുത്ത തലമുറ മത്സ്യകുഞ്ഞുങ്ങള് ജനിക്കാതെ പോവുകയും ചെയ്യും. ഇത് തുടര്ന്നാല് കാലക്രമേണ കടലിലെ മത്സ്യസമ്പത്ത് ഗണ്യമായി കുറയുകയും ചെയ്യും. ഇതാണ് ഈ സമയത്ത് ട്രോളിങ് നിരോധിക്കാനുള്ള തീരുമാനത്തിന്റെ അടിസ്ഥാനം.