എടപ്പാള്:മാണൂരില് കാര് സ്കൂട്ടറില് ഇടിച്ച് അധ്യാപികക്കും മകള്ക്കും ഗുരുതരമായി പരിക്കേറ്റു.പോത്തനൂര് ജിയുപി സ്കൂളിലെ അധ്യാപികയായ സിന്ധു(48)മകള് ശ്രീലക്ഷ്മി(26) എന്നിവര്ക്കാണ് പരിക്കേറ്റത്.കുറ്റിപ്പുറം തൃശ്ശൂര് സംസ്ഥാന പാതയില് മാണൂരില് ശനിയാഴ്ച വൈകിയിട്ട് 5 മണിയോടെയാണ് അപകടം.കാലടിയിലെ വീട്ടില് നിന്ന് എടപ്പാളിലേക്ക് സ്കൂട്ടറില് വരുന്നതിനിടെ എതിരെ വന്ന കാര് സ്കൂട്ടറില് ഇടിക്കുകയായിരുന്നു.അപകടത്തില് റോഡില് തെറിച്ച് വീണ് ഗുരുതരമായി പരിക്കേറ്റ ഇരുവരെയും നാട്ടുകാര് ചേര്ന്ന് എടപ്പാളിലെ സ്വകാര്യ ആശുപത്രിയില് എത്തിച്ചെങ്കിലും പരിക്ക് ഗുരുതരമായതിനാല് പിന്നീട് കോട്ടക്കലിലെ സ്വകാര്യ ആശുപത്രിയിലേക്ക് മാറ്റി.അപകടത്തിന്റെ സിസിടിവി ദൃശ്യങ്ങള് പുറത്ത് വന്നിട്ടുണ്ട്.സംഭവത്തില് പൊന്നാനി പോലീസ് മേല്നടപടികള് സ്വീകരിച്ചു.
എടപ്പാള് മാണൂരില് കാര് സ്കൂട്ടറില് ഇടിച്ച് അധ്യാപികക്കും മകള്ക്കും ഗുരുതരപരിക്ക്
