ബൈക്കിന് പിന്നിൽ ബസിടിച്ച് യുവാവിന് ദാരുണാന്ത്യം

തിങ്കളാഴ്ച വൈകിട്ടാണ് അഭിജിത്ത് അക്ഷയ്‌ക്കൊപ്പം സ്നേഹതീരം കടൽ കാണാൻ പോയത്. അക്ഷയ് ആയിരുന്നു ബൈക്ക് ഓടിച്ചിരുന്നത്. നാലാംകല്ല് പെട്രോൾ പമ്പിൽ നിന്ന് ഇന്ധനം നിറച്ച ശേഷം റോഡിലേക്ക് കയറിയ ബൈക്കിൽ പുറകിൽ നിന്നെത്തിയ ബസ് ഇടിക്കുകയായിരുന്നു. കാഞ്ഞാണി ഭാഗത്തേക്ക് പോകുകയായിരുന്ന കിരൺ ബസാണ് ഇടിച്ചത്. ഗുരുതരമായി പരിക്കേറ്റ അഭിജിത്തിനെ നാട്ടുകാർ ചേർന്ന് ഒളരിയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

ശോഭാ സിറ്റിയിലെ ഒരു സ്ഥാപനത്തിലെ ജീവനക്കാരനാണ് മരിച്ച അഭിജിത്ത്. അച്ഛൻ: ജയൻ, അമ്മ: ബിന്ദ്യ, അന്തിക്കാട് പോലീസ് മേൽ നടപടികൾ സ്വീകരിച്ചു