സംസ്ഥാനത്ത് മഴ തുടരുന്ന സാഹചര്യത്തില് ആറാഴ്ച ഹോട്ട് സ്പോട്ടുകള് കേന്ദ്രീകരിച്ചുള്ള പ്രവര്ത്തനങ്ങള് തുടരണമെന്ന് ആരോഗ്യ വകുപ്പ് മന്ത്രി വീണാ ജോര്ജ്. തദ്ദേശ സ്ഥാപനതലത്തില് ഊര്ജിത ഉറവിട നശീകരണ പ്രവര്ത്തനങ്ങള് തുടരണം. സംസ്ഥാനത്തെ ആശുപത്രികളിലെ ഐപി, ഐസിയു, വെന്റിലേറ്റര് ഉപയോഗം സാധാരണ പോലെയാണ്. പകര്ച്ചപ്പനി മൂലം അവയില് വര്ധനവുണ്ടായിട്ടില്ല.
ദുരിതാശ്വാസ ക്യാമ്പുകളില് നല്കുന്ന വെള്ളം പ്രത്യേകമായി ശ്രദ്ധിക്കണം. തിളപ്പിച്ചാറ്റിയ വെള്ളം മാത്രമേ കുടിക്കാന് നല്കാവൂ. ജലജന്യ രോഗങ്ങള് ഉണ്ടാകാതിരിക്കാന് പ്രത്യേകം ശ്രദ്ധിക്കണം. ആരോഗ്യ വകുപ്പ് ജീവനക്കാരുടെ ഫീല്ഡ് സന്ദര്ശനം ഫലപ്രദമായി നടത്തണമെന്നും മന്ത്രി നിര്ദേശിച്ചു. പകര്ച്ചവ്യാധി പ്രതിരോധ പ്രവര്ത്തനങ്ങളുടെ ഭാഗമായി ചേര്ന്ന റാപ്പിഡ് റെസ്പോണ്സ് ടീം (ആര്.ആര്.ടി.) യോഗത്തിലാണ് മന്ത്രി നിര്ദേശം നല്കിയത്.
എൻ്റെ പൊന്നാനി | My Ponnani