മഴ വരും മുൻപേ… പണി തീർക്കണേ

കുറ്റിപ്പുറം, വളാഞ്ചേരി പ്രദേശങ്ങളിൽ നിന്നായി നിരവധി കുട്ടികൾ പേരശ്ശനൂർ ഹയർസെക്കൻഡറി സ്കൂളിൽ പഠിക്കുന്നുണ്ട്. രണ്ടാഴ്ചയ്ക്കകം ആദ്യഘട്ട ടാറിങ് നടത്താൻ ശ്രമിക്കുന്നുണ്ടെന്നാണ് കരാറുകാരൻ പറയുന്നത്. അഞ്ചു കോടി 50 ലക്ഷം രൂപയാണ് പേരശ്ശന്നൂർ മുതൽ മുക്കിലപ്പീടിക വരെയുള്ള 3.15 കിലോമീറ്റർ ദൂരംവരുന്ന ദൂരം റബ്ബറൈസ് ചെയ്യുന്നതിന് ആദ്യം അനുവദിച്ചിരുന്നത്. ജൽജീവൻ മിഷൻ പദ്ധതിയുടെ പൈപ്പ് ലൈൻ സ്ഥാപിക്കുന്നതിന് പൊതുമരാമത്ത് വകുപ്പിൽ അടക്കേണ്ട തുക വാട്ടർ അതോറിറ്റി അടക്കാത്തതിനെത്തുടർന്ന് പൈപ്പുകൾ സ്ഥാപിക്കാൻ പൊതുമരാമത്ത് വകുപ്പ് അനുമതി നൽകിയിരുന്നില്ല. ഇതിനെത്തുടർന്ന് പുനർ നിർമാണം മുന്നോട്ട് കൊണ്ടു പോകാൻ കരാറുകാരന് കഴിയാതിരുന്നതിനെത്തുടർന്ന് കരാറുകാരൻ നിർമാണ പ്രവൃത്തിയിൽനിന്നും പിൻവാങ്ങി. 11 കൾവെർട്ടറുകളുടെ നിർമാണം മാത്രമാണ് ആദ്യ കരാറുകാരൻ പൂർത്തിയാക്കിയത്.

പുനർനിർമാണം നിലച്ചതിനെത്തുടർന്ന് കടുത്ത യാത്രാ ദുരിതമാണ് ഇവിടുത്തെ ജനങ്ങൾ മാസങ്ങളായി നേരിട്ടത്. ജനകീയ പ്രതിഷേധങ്ങളെത്തുടർന്നും ആബിദ് ഹുസൈൻ തങ്ങൾ എംഎൽഎയുടെ ഇടപെടലുകളുടെയും ഫലമായി കഴിഞ്ഞ ഡിസംബറിലാണ് വീണ്ടും നിർമാണ പ്രവൃത്തികൾക്കുള്ള ടെൻഡർ നടപടികൾ നടന്നത്. 7.66 കോടി രൂപയാണ് പദ്ധതിക്കായി അനുവദിച്ചിട്ടുള്ളത്.ഇതേ റോഡിന്റെ മറ്റൊരു ഭാഗമായ പേരശ്ശന്നൂർ-താലൂക്ക് ആശുപത്രി റോഡിന്റെ നിർമാണം പൂർത്തിയാകാൻ മൂന്നു വർഷത്തോളമാണ് എടുത്തത്. അതേ അവസ്ഥ തന്നെയാണ് പേരശ്ശന്നൂർ -മുക്കിലപ്പീടിക റോഡിന്റെ വിഷയത്തിലും അനുഭവിച്ചു വരുന്ന തെന്നാണ് നാട്ടുകാരുടെ പരാതി.