മൂന്ന് ദിവസത്തെ ഗണേശോത്സവത്തിന് ചങ്ങരംകുളത്ത് തുടക്കമായി

ചങ്ങരംകുളം:മൂന്ന് ദിവസങ്ങളായി നീണ്ടുനിൽക്കുന്ന ഗണേശോത്സവത്തിന് ചങ്ങരംകുളത്ത് തുടക്കമായി.ആഘോഷ കമ്മിറ്റിയുടെ നേതൃത്വത്തിൽ ശ്രീശാസ്താ സ്കൂൾ ഓഡിറ്റോറിയത്തിൽ പ്രത്യേകം സജ്ജമാക്കിയ ക്ഷേത്രാന്തരീക്ഷത്തിലാണ് ഗണേശോത്സവത്തിന്റെ ചടങ്ങുകൾ നടന്നുവരുന്നത്.വെള്ളിയാഴ്ച കാലത്ത് പ്രാണപ്രതിഷ്ഠ ചടങ്ങുകൾ നടക്കും.ഞായറാഴ്ച വൈകു ന്നേരം 4 മണിക്ക് ചങ്ങരംകുളം ഹൈവേ ജംഗ്ഷനിൽ നിന്നും ആരംഭിക്കുന്ന ഘോഷയാത്ര ടൗണിൽ നഗരപ്രദക്ഷിണം നടത്തി നരണിപ്പുഴയിൽ നിമഞ്ജനം ചെയ്യും.സംഘാടക സമിതി യോഗത്തിൽ രാജീവ് പെരുമുക്ക് അധ്യക്ഷത വഹിച്ചു.പ്രസാദ്പടിഞ്ഞാക്കര മുഖ്യ പ്രഭാഷണം നടത്തി.വിജയൻ മടത്തിപ്പാടം,രജിതൻ പന്താവൂർ,ബിജു മാന്തടം,അനീഷ്ചി ചിയ്യാന്നൂർ, റനില്‍കാളച്ചാൽ,സുധാകരൻ നന്നംമുക്ക് എന്നിവർ സംസാരിച്ചു.