By എൻ്റെ പൊന്നാനി | My Ponnani
ചങ്ങരംകുളം : വിദ്യാഭ്യാസമേഖലയ്ക്ക് സർക്കാർ നൽകുന്ന പ്രാധാന്യം വളരെ വലുതാണെന്ന് മന്ത്രി വി. ശിവൻകുട്ടി പറഞ്ഞു.പുതിയ സ്കൂൾ കെട്ടിടങ്ങൾ ഉയരുമ്പോൾ നാടിന്റെ വിദ്യാഭ്യാസ നിലവാരവും ഉയരും. മൂക്കുതല പി. ചിത്രൻ നമ്പൂതിരിപ്പാട് ഗവ. ഹയർസെക്കൻഡറി സ്കൂളിൽ പി. നന്ദകുമാർ എംഎൽഎയുടെ ആസ്തി വികസനഫണ്ടിൽനിന്ന് ഒരുകോടി രൂപ ചെലവിൽ നിർമിച്ച കെട്ടിടവും പൊതുവിദ്യാഭ്യാസ വകുപ്പ് അനുവദിച്ച ഒരുകോടി രൂപയുടെ കെട്ടിടവും സമഗ്ര ശിക്ഷാ കേരള സ്റ്റാർസ് പദ്ധതി പ്രകാരം 25 ലക്ഷം രൂപ ചെലവിൽ നിർമിച്ച കെട്ടിടവുമാണ് മന്ത്രി ഉദ്ഘാടന ചെയ്തത്.പി. നന്ദകുമാർ എംഎൽഎ അധ്യക്ഷനായി. സാഹിത്യകാരൻ ആലങ്കോട് ലീലാകൃഷ്ണൻ മുഖ്യാതിഥിയായി.
പെരുമ്പടപ്പ് ബ്ലോക്ക് പഞ്ചായത്ത് പ്രസിഡന്റ് അഡ്വ. ഇ. സിന്ധു, നന്നംമുക്ക് പഞ്ചായത്ത് പ്രസിഡന്റ് മിസ്രിയ സൈഫുളിൻ, നന്നംമുക്ക് പഞ്ചായത്ത് വൈസ് പ്രസിഡന്റ് ഒ.പി. പ്രവീൺ, ജില്ലാ പഞ്ചായത്തംഗം ആരിഫ നാസർ, പിടിഎ പ്രസിഡന്റ് മുസ്തഫ ചാലുപറമ്പിൽ, ബ്ലോക്ക് പഞ്ചായത്തംഗം വി.വി. കരുണാകരൻ, രാഷ്ട്രീയപ്പാർട്ടി പ്രതിനിധികളായ ടി. സത്യൻ, പി. സുമേഷ്, നാരായണൻ തുടങ്ങിയവർ പ്രസംഗിച്ചു.പൊതുമരാമത്ത് കെട്ടിട ഉപവിഭാഗം അസിസ്റ്റന്റ് എക്സിക്യുട്ടീവ് എൻജിനീയർ ഗോപൻ മുക്കുളത്ത് റിപ്പോർട്ട് അവതരിപ്പിച്ചു.