മലപ്പുറം ജില്ലയിൽ സർവിസിന് അനുമതിയുള്ളത് 11 ബോട്ടുകൾക്ക്

പൊ​ന്നാ​നി : രേ​ഖ​ക​ൾ പ​രി​ശോ​ധി​ക്കാ​നു​ള്ള സ​മ​യം പൂ​ർ​ത്തി​യാ​യ​തോ​ടെ ജി​ല്ല​യി​ൽ സ​ർ​വി​സ് ന​ട​ത്താ​ൻ അ​നു​മ​തി ല​ഭി​ച്ച​ത് 11 ഉ​ല്ലാ​സ ബോ​ട്ടു​ക​ൾ​ക്ക് മാ​ത്രം. പൊ​ന്നാ​നി ഭാ​ര​ത​പ്പു​ഴ​യി​ൽ ഒ​മ്പ​ത് ഉ​ല്ലാ​സ ബോ​ട്ടു​ക​ളും താ​നൂ​രി​ൽ ര​ണ്ട് സ്‌​പീ​ഡ് ബോ​ട്ടു​ക​ളും മാ​ത്ര​മാ​ണ് മാ​രി​ടൈം ബോ​ർ​ഡി​ൽ മ​തി​യാ​യ രേ​ഖ​ക​ൾ സ​മ​ർ​പ്പി​ച്ച​ത്. ഇ​തേ​ത്തു​ട​ർ​ന്നാ​ണ് ഓ​ണ സീ​സ​ണി​ൽ സ​ർ​വ്വീസ് ന​ട​ത്താ​ൻ 11 ബോ​ട്ടു​ക​ൾ​ക്ക് മാ​ത്രം അ​നു​മ​തി ല​ഭ്യ​മാ​യ​ത്. പൊ​ന്നാ​നി​യി​ൽ തു​റ​മു​ഖ വ​കു​പ്പ് ഓ​ഫി​സി​ൽ 11 ഉ​ല്ലാ​സ ബോ​ട്ടു​ക​ൾ അ​നു​മ​തി തേ​ടി​യെ​ത്തി​യെ​ങ്കി​ലും ഒ​മ്പ​ത് എ​ണ്ണ​ത്തി​നു മാ​ത്ര​മാ​ണ് അ​നു​മ​തി ന​ൽ​കി​യ​ത്.

ഈ ​ബോ​ട്ടു​ക​ൾ സ​ർ​വ്വീസ് ന​ട​ത്താ​ൻ പു​ഴ​യോ​ര​ത്ത് സ്‌​ഥാ​പി​ച്ചി​ട്ടു​ള്ള ജെ​ട്ടി​ക​ൾ ന​ഗ​ര​സ​ഭാ​ധി​കൃ​ത​ർ പ​രി​ശോ​ധി​ച്ച് ഉ​റ​പ്പു വ​രു​ത്തേ​ണ്ട​തു​ണ്ട്. ഓ​രോ ബോ​ട്ടു​കാ​രും ബോ​ട്ടി​ൽ ക​യ​റ്റാ​വു​ന്ന പ​ര​മാ​വ​ധി യാ​ത്ര​ക്കാ​രു​ടെ എ​ണ്ണ​വും ബോ​ട്ടി​ന്റെ ര​ജി​സ്ട്രേ​ഷ​ൻ ന​മ്പ​റും ജെ​ട്ടി​യി​ൽ പ്ര​ദ​ർ​ശി​പ്പി​ക്ക​ണ​മെ​ന്നും ബോ​ട്ടി​ൽ യാ​ത്ര ചെ​യ്യു​ന്ന യാ​ത്ര​ക്കാ​രു​ടെ വി​വ​ര​ങ്ങ​ൾ യാ​ത്ര തു​ട​ങ്ങു​ന്ന​തി​നു മു​മ്പാ​യി ജെ​ട്ടി​യി​ൽ രേ​ഖ​പ്പെ​ടു​ത്ത​ണ​മെ​ന്നും ക​ർ​ശ​ന വ്യ​വ​സ്‌​ഥ​യു​ണ്ട്.

കൂ​ടു​ത​ൽ ആ​ളു​ക​ളെ​ത്തു​ന്ന ദി​വ​സ​ങ്ങ​ളി​ൽ ഓ​രോ ജെ​ട്ടി​യി​ലും പൊ​ലീ​സ് പ​ട്രോ​ളി​ങും നി​ർ​ബ​ന്ധ​മാ​ക്കാ​ൻ ത​ഹ​സി​ൽ​ദാ​രു​ടെ നേ​തൃ​ത്വ​ത്തി​ലു​ള്ള ബോ​ട്ട് സു​ര​ക്ഷ ക​മ്മി​റ്റി നി​ർ​ദേ​ശി​ച്ചി​രു​ന്നു. ഭാ​ര​ത​പ്പു​ഴ​യി​ൽ സ​ർ​വി​സ് ന​ട​ത്തു​ന്ന ബോ​ട്ടു​ക​ളു​ടെ രേ​ഖ​ക​ൾ ഹാ​ജ​രാ​ക്ക​ണ​മെ​ന്ന് ഒ​ന്ന​ര മാ​സം മു​ൻ​പ് ബോ​ട്ട് സു​ര​ക്ഷ ക​മ്മി​റ്റി നി​ർ​ദേ​ശി​ച്ചി​രു​ന്നു. ഇ​തി​ന്റെ അ​ടി​സ്‌​ഥാ​ന​ത്തി​ൽ 23 ഉ​ല്ലാ​സ ബോ​ട്ടു​കാ​ർ രേ​ഖ​ക​ൾ ഹാ​ജ​രാ​ക്കി​യി​രു​ന്നെ​ങ്കി​ലും ഒ​രെ​ണ്ണ​ത്തി​നു പോ​ലും മ​തി​യാ​യ രേ​ഖ​ക​ളി​ല്ലെ​ന്ന് ക​ണ്ടെ​ത്തി​യി​രു​ന്നു. തൊ​ട്ടു​പി​ന്നാ​ലെ​യാ​ണ് മ​റ്റൊ​രു അ​വ​സ​രം കൂ​ടി ബോ​ട്ടു​കാ​ർ​ക്ക് ന​ൽ​കി​യ​ത്. തു​ട​ർ​ന്ന് രേ​ഖ​ക​ൾ പു​തു​ക്കി തു​റ​മു​ഖ വ​കു​പ്പ് മു​ഖേ​ന ഒ​മ്പ​ത് ബോ​ട്ടു​കാ​ർ സ​ർ​വി​സി​ന് അ​നു​മ​തി നേ​ടി​യെ​ടു​ക്കു​ക​യാ​യി​രു​ന്നു.