അയിരൂർ മഹാവിഷ്ണുക്ഷേത്രത്തിലെ ഊട്ടുപുര നാടിനു സമർപ്പിച്ചു

തവനൂർ : മലബാർ ദേവസ്വംബോർഡിനു കീഴിലുള്ള അന്ത്യാളംകുടം അന്തിമഹാകാളൻ ദേവസ്വം അയിരൂർ മഹാവിഷ്ണുക്ഷേത്രത്തിലെ ഭക്തരുടെ ഏറെക്കാലത്തെ ആഗ്രഹമായിരുന്ന ഊട്ടുപുര വെള്ളിയാഴ്ച നാടിനു സമർപ്പിച്ചു.അയിരൂർ കോറാട്ട് കളത്തിൽ വിജയകുമാറും കുടുംബവും മാതാപിതാക്കളായ അയിരൂർ കോറാട്ട് കളത്തിൽ ശാരദാമ്മയുടെയും ഒഴൂർ കറുത്താട്ട് രാധാകൃഷ്ണമേനോന്റെയും സ്മരണാർഥം നിർമ്മിച്ചുനൽകിയതാണ് ഊട്ടുപുരയും പാചകപ്പുരയും.തിരൂർ സബ് കളക്ടർ ദിലീപ് കെ. കൈനിക്കര കെട്ടിടം ഉദ്ഘാടനം ചെയ്തു.ക്ഷേത്രം പാരമ്പര്യ ട്രസ്റ്റി പരമേശ്വരൻ സോമയാജിപ്പാട്, മലബാർ ദേവസ്വം ബോർഡ് കമ്മിഷണർ ടി.സി. ബിജു, മലബാർ ദേവസ്വം ബോർഡ് മലപ്പുറം ഏരിയ കമ്മിറ്റി ചെയർമാൻ ഒ.കെ. ബേബി ശങ്കർ എന്നിവർ ചേർന്ന് ഭദ്രദീപം തെളിച്ചു.