യു.ഡി.എസ്.എഫ്. ആധിപത്യം രണ്ടുപതിറ്റാണ്ടിനുശേഷം

പ്രസിഡൻഷ്യൽ രീതിയിൽ നടന്ന തിരഞ്ഞെടുപ്പിൽ 80 ക്ലാസുകളിൽ യു.ഡി.എസ്.എഫ്. 43 സീറ്റും എസ്.എഫ്.ഐ. 37 സീറ്റും നേടി. വൈകീട്ട് ഏഴുവരെ വോട്ടണ്ണൽ നീണ്ടു. ജനറൽ സീറ്റിൽ മുഴുവൻ യു.ഡി.എസ്.എഫ്. ജയിക്കുന്നത് വർഷങ്ങൾക്കുശേഷമാണ്. കെ.എസ്.യു., എം.എസ്.എഫ്. സഖ്യം യൂണിയൻ നേടിയിരുന്ന കാലത്തും മുഴുവൻ സീറ്റിലും ജയിക്കാനായിരുന്നില്ല.ജനറൽ സീറ്റുകളിലേക്ക് മുഹമ്മദ് സുഹൈൽ (ചെയ.), റിസ മെഹറിൻ (വൈസ് ചെയ.), മുഹമ്മദ് ഫത്തഹുള്ള (ജന. സെക്ര.), ഹംദിയ അബ്ദുൾഹമീദ് (ജോ. സെക്ര.), ആരതി പ്രദീപ്, കെ.പി. അബ്ദുൾ വാജിദ് (യു.യു.സി.), സി.പി. മുഹമ്മദ് മിസ്ഹബ് (ഫൈൻ ആർട്‌സ് സെക്ര.), കെ. മുഹമ്മദ് സഫീർ (സ്റ്റുഡന്റ് എഡിറ്റർ), മുഹമ്മദ് സഹൽ (ജനറൽ ക്യാപ്റ്റൻ) എന്നിവർ തിരഞ്ഞെടുക്കപ്പെട്ടു.വിജയത്തെത്തുടർന്ന് യു.ഡി.എസ്.എഫ്. പ്രവർത്തകർ ആഹ്ലാദപ്രകടനം നടത്തി.