പഞ്ചായത്ത് ഓഫീസിനു മുൻപിൽപ്രതിഷേധവുമായി നാട്ടുകാർ

തിരൂർ : റോഡിൽ കുഴികൾ നിറഞ്ഞതു കാരണം നടന്നുപോകാൻ വയ്യ, ഇതേ കാരണംകൊണ്ട് ഓട്ടോറിക്ഷ വിളിച്ചാലും വരില്ല. ഗത്യന്തരമില്ലാതെയാണ് തലക്കാട് പഞ്ചായത്തിലെ 12-ാം വാർഡ് നിവാസികൾ പ്രതിഷേധവുമായി പഞ്ചായത്തോഫീസിലെത്തിയത്.പഞ്ചായത്ത് പ്രസിഡന്റിനെക്കണ്ട് അവർ സങ്കടമുണർത്തി. എല്ലാം ചെയ്യണമെന്നുണ്ട്, വേണ്ടത്ര ഫണ്ടില്ല എന്നായിരുന്നു മറുപടി. ഒടുവിൽ പ്രതിഷേധക്കാർ മടങ്ങി.തലക്കാട് പഞ്ചായത്ത് ഭരണസമിതിയുടെ അവഗണനയിൽ പ്രതിഷേധിച്ച് വാർഡ് കൗൺസിലർ അസ്മാബിയും ജനകീയ കൂട്ടായ്മയുടെ പ്രവർത്തകരും ചേർന്നാണ്‌ തലക്കാട് പഞ്ചായത്ത് ഓഫീസിന് മുൻപിൽ കുത്തിയിരിപ്പു സമരം നടത്തിയത്. ആയുർവേദ ഡിസ്പെൻസറി മുതൽ ഹെൽത്ത് സെന്റർ വരെയുള്ള റോഡും ട്രാൻസ്‍ഫോർമർ മുതൽ മുട്ടിക്കൽ വരെയുള്ള റോഡും ഗതാഗതയോഗ്യമല്ലാതായിട്ട് വർഷങ്ങളേറെയായി. തെരുവുവിളക്കുകളും പ്രവർത്തിക്കുന്നില്ല.