സംയുക്ത ഈദ് ഗാഹ് മാറഞ്ചേരി പാലസ് ഗ്രൗണ്ടിൽ കാലത്ത് 7.30 ന് നടക്കും

മാറഞ്ചേരി: വിവിധ മഹല്ലുകളുടെയും സംഘടനകളുടെയും സംയുക്ത കൂട്ടായ്മയായ ഒരുമയുടെ നേതൃത്വത്തിൽ ഈ വർഷത്തെ ഈദുൽ ഫിത്വർ ദിനത്തിൽ നടക്കുന്ന സംയുക്ത ഈദ് ഗാഹ് മാറഞ്ചേരി പാലസ് ഓഡിറ്റോറിയം അങ്കണത്തിൽ കാലത്ത് 7.30 ന് നടക്കുമെന്ന് ഭാരവാഹികൾ വാർത്തൊസമ്മേളനത്തിൽ പറഞ്ഞു.കാലാവസ്ഥ പരിഗണിച്ച് ഈ പ്രാവശ്യം നമസ്കാരം കാലത്ത് 7.30നാണ് നടക്കുക.

7 മണിക്ക് മുമ്പ് തന്നെ എല്ലാവരും വുളൂഹ് ചെയ്ത് മുസല്ല സഹിതം ഈദ് ഗാഹിൽ എത്തണമെന്നും ഭാരവാഹികൾ പറഞ്ഞു.ഖുത്വബക്കും പ്രാർത്ഥനക്കും പ്രമുഖ പണ്ഡിതൻ അബ്ദുൾ ലത്തീഫ് സുല്ലമി നേതൃത്വം നൽകും.സ്ത്രീകൾക്ക് പ്രത്യേക സൗകര്യം ഏർപ്പെടുത്തുന്നുണ്ട്.ഒരു മാറഞ്ചേരിയുടെ ആഭിമുഖ്യത്തിൽ എസ്എസ്എൽസി, +2 പരീക്ഷ എഴുതിയ വിദ്യാർത്ഥികൾക്ക് ഗൈഡൻസ് ക്ലസ്സ് സംഘടിപ്പിക്കുന്നുണ്ട്.പി.എസ്.സി കോച്ചിംഗ് ക്ലാസ്സുകൾ മറ്റ് സന്നദ്ധ സംഘടനകളുമായി സഹകരിച്ച് നടത്തുമെന്നും ഭാരവാഹികൾ പറഞ്ഞു.വാർത്താസമ്മേളനത്തിൽ ഒരുമ ചെയർമാൻ ഇ.എം മുഹമ്മദ്, ജനറൽ കൺവീനർ എ.അബ്ദുൾ ലത്തീഫ്, എക്സി. അംഗം ഇസ്ഹാഖ് വടമുക്ക് എന്നിവർ പങ്കെടുത്തു.