ആറു പഞ്ചായത്തുകൾക്ക് 200 കോടിയുടെ ജലപദ്ധതി

കണ്ടനകം ഐ.ഡി.ടി.ആറിനു സമീപം 33 ലക്ഷവും ചങ്ങരംകുളത്ത് 16 ലക്ഷവും കോക്കൂരിൽ 25 ലക്ഷവും ലിറ്റർ വീതം വെള്ളം ശേഖരിക്കാനുള്ള കൂറ്റൻ ടാങ്കുകളാണ് നിർമിക്കുക. നിലവിലുണ്ടായിരുന്ന ടാങ്കുകളെല്ലാം പൊളിച്ചുകളയും.

റോഡുകൾക്ക് പരമാവധി കേടുപാടുകൾ സംഭവിക്കാത്തവിധമാകും പൈപ്പുകൾ സ്ഥാപിക്കുക.

എടപ്പാൾ ടൗൺ അടക്കം മറ്റു മാർഗങ്ങളില്ലാത്തിടങ്ങളിൽ രാത്രിയും മറ്റുമായി ജനങ്ങൾക്കും വാഹനങ്ങൾക്കും ബുദ്ധിമുട്ടില്ലാത്തവിധം റോഡുകൾ പൊളിച്ച് പൈപ്പ് സ്ഥാപിച്ചശേഷം ഉടൻതന്നെ ടാർ ചെയ്ത് റോഡ് പഴയപടിയാക്കുന്ന രീതിയിലാണ് പണി നടത്തുക.

പണി കരാറെടുത്ത കമ്പനിയുടെ കോഴിക്കാട് ശാഖ ഇതിനെല്ലാമുള്ള കരാർ ഒരുമിച്ചാണ് ഏറ്റെടുത്തിട്ടുള്ളത്.

പദ്ധതി പ്രാവർത്തികമാകുന്നതോടെ ഈ പഞ്ചായത്തുകളിൽ കാലങ്ങളായി നിലനിന്ന കുടിവെള്ളക്ഷാമത്തിനു പരിഹാരമാകും. പതിറ്റാണ്ടുകൾക്ക് മുൻപ് സ്ഥാപിച്ച പൈപ്പുകളിലൂടെ ജലം വിതരണം ചെയ്യുന്നതുമൂലം അടിക്കടി പൈപ്പുകൾ പൊട്ടിയും മറ്റുമുണ്ടായിരുന്ന തകരാറുകളും ഇനി പഴങ്കഥയാകും.