കുറ്റിപ്പുറം ഗവ. താലൂക്ക് ആശുപത്രിയിൽ നേത്രചികിത്സാ വിഭാഗത്തിനുള്ള കെട്ടിടത്തിന്റെ നിർമാണം പൂർത്തിയായിട്ടും ചികിത്സ തുടങ്ങാതെ ആരോഗ്യവകുപ്പ്.

കുറ്റിപ്പുറം : കുറ്റിപ്പുറം ഗവ. താലൂക്ക് ആശുപത്രിയിൽ നേത്രചികിത്സാ വിഭാഗത്തിനുള്ള കെട്ടിടത്തിന്റെ നിർമാണം പൂർത്തിയായിട്ടും ചികിത്സ തുടങ്ങാതെ ആരോഗ്യവകുപ്പ്.ഒരു വർഷം മുൻപ് നിർമാണം പൂർത്തിയായ കെട്ടിടത്തിൽ ഭൂരിഭാഗം ചികിത്സാഉപകരണങ്ങളും വാങ്ങിയിട്ട് മാസങ്ങൾ കഴിഞ്ഞു. ആവശ്യമായ ഫർണിച്ചർ വാങ്ങുന്നതിന് കുറ്റിപ്പുറം ബ്ലോക്ക് പഞ്ചായത്ത് 15 ലക്ഷം രൂപ വകയിരുത്തിയിട്ടുണ്ട്. എന്നിട്ടും കെട്ടിടം ഉദ്ഘാടനം ചെയ്യാത്ത അവസ്ഥയാണ്.ദേശീയ ആരോഗ്യ ദൗത്യം പദ്ധതി പ്രകാരം അനുവദിച്ച 1.54 കോടി രൂപ ചെലവഴിച്ചാണ് നേത്രചികിത്സാ വിഭാഗത്തിന് കെട്ടിടം നിർമിച്ചത്. ആരോഗ്യ ദൗത്യം പദ്ധതി പ്രകാരംതന്നെ ആവശ്യമായ ഉപകരണങ്ങൾ വാങ്ങി.