തിരുവനന്തപുരം: സംസ്ഥാനത്ത് ചൂട് തുടരുന്ന സാഹചര്യത്തില് ചിക്കന് പോക്സിനെതിരെ ജാഗ്രത പാലിക്കണമെന്ന് ആരോഗ്യമന്ത്രി വീണ ജോര്ജ്. സ്വയം ചികിത്സ പാടില്ലെന്നും രോഗലക്ഷണങ്ങള് ശ്രദ്ധയില്പ്പെട്ടാല് എത്രയും വേഗം ചികിത്സ തേടണമെന്നും മന്ത്രി പറഞ്ഞു. ശിശുക്കള്, കൗമാരപ്രായക്കാര്, മുതിര്ന്നവര്, ഗര്ഭിണികള്, പ്രതിരോധശേഷി കുറഞ്ഞവര് – എച്ച്.ഐ.വി., കാന്സര് ബാധിതര്, അവയവമാറ്റ ശസ്ത്രക്രിയ കഴിഞ്ഞവര്, കീമോതെറാപ്പി/ സ്റ്റീറോയിഡ് മരുന്നുകള് ഉപയോഗിക്കുന്നവര്, ദീര്ഘകാലമായി ശ്വാസകോശ/ ത്വക്ക് രോഗമുള്ളവര് എന്നിവര്ക്ക് രോഗം ഗുരുതരമാകാന് സാധ്യതയുള്ളതിനാല് പ്രത്യേകം ശ്രദ്ധിക്കണം. ചിക്കന് പോക്സ് രോഗിയുമായി സമ്പര്ക്കത്തില് വന്നിട്ടുള്ളതോ രോഗലക്ഷണങ്ങളുള്ളതോ ആയ ഈ വിഭാഗത്തിലുള്ളവര് ആരോഗ്യ പ്രവര്ത്തകരുടെ ഉപദേശം തേടേണ്ടതാണെന്നും മന്ത്രി അറിയിച്ചു.
എൻ്റെ പൊന്നാനി | My Ponnani